|
Me emrin e All- llahut, Mëshiruesit, Mëshirëbërësit!
Allahu xh.sh. thotë: "Çdo qenie e gjallë do të shijojë vdekjen! Dhe vetëm në ditën e kiametit do të fitoni në tërësi pagat tuaja.
Kush do të jetë i larguar nga sjarri dhe i futur në xhennet ai ka arritur sukses , sepse jeta në këtë botë nuk është asgjë tjetër,veÇse kënaqësi mashtruese" Ndërsa , Pejgamberi a.s. në një hadith të transmetuar nga Muadhi r.a thotë:"Ai që fjala e tij e fundit në këtë botë është: "LA ILAHE IL-LALL-LLAH" (Nuk ka zot tjetër,përveq Allahut xh.sh.) do të hyjë në Xhennet".
I vdekur, quhet ai njeri që nga trupi i tij ka dalur shpirti.
Nga ky definicion kuptojmë se qenësia e tij nuk përbëhet vetëm prej nevojave fizike, psikologjike, të cilat tek ai reflektohen.
Por njeriu përbëhet nga dy pjesë: një pjesë e tij është e lidhur për kohën dhe zhduket me të. Kjo pjesë e tij me kohën bëhet, rritet dhe vjetërohet, e ky është trupi.Pjesa e dytë e kësaj të vërtete , është jashtë kohës.
Kjo pjesë e dytë as nuk vjetërohet as nuk zhduket,nuk rritet ,por ajo pjesë e ruan vecantinë e vet,mbetet e gjallë në jetën e saj të veqantë,në kohë të pacaktuar.Kjo pjesë e dytë te njeriu quhet shpirtë.
Sipas hadithit të lartpërmendur është mirë që të sëmurit që është në castet e fundit të jetës t'ia përkujtojmë fjalën " LA ILAHE IL-LALL-LLAH" po nëse nuk e thotë , është e arsyeshme ngase sëmundja është faktor që pengon shprehjen e nevojshme.
Në momentin kur vërtetohet vdekja e njeriuty , duhet t'i mbyllen sytë , pastaj ia lidhim kokën me ndonjë bez,gjithashtu ia mbyllim gojën të mos i mbetet e hapur. Duart ia palojmë anash për trupi ,këmbët ia shtrijmë, pastaj ia mbulojmë me ndonjë rrobë (qarqaf).
Transmetohet nga aishja r.a.: "Ka ardhur Ebu Bekri r.a. në dhomë e ka shikuar Pejgamberi a.s. dhe ai ka qenë i mbuluar, pastaj e zbuloi fytyrën e tij dhe e ka përqafuar.
Afër të vdekurit lejohen duatë,nëse duaja është: Bismilahi ve ala mil-leti resulilahi s.a.v.s ( Në emër të Zotit, në fenë e Zotit,në popullin dhe në synetin e Muhammedit a.s.) O Zoti ynë ! Lehtësoja punët atij,lehtësoja atë që ta pasojë, duke shkuar dhe ato që i ka kryer.Ndërsa,ndalohet leximi i Kur'anit afër xhenazes derisa ajo të pastrohet.
( Idriz Xhigoli ) |
